ചില വിപരീത കാഴ്ച്ചകള്‍

Saturday, December 29, 2007

ക്രൂരതയില്‍ ചാലിച്ച പ്രണയം


ഒരു പ്രണയകഥ :-
സ്കൂളിലെ സഹപാഠികള്‍, ഉന്നത ജാതിക്കാരിയും അതി സമ്പന്നയുമായ കാമുകി, ദരിദ്രനും കീഴ്ജാതിക്കാരനുമായ കാമുകന്‍, കാമുകന്റെ വിദ്യഭ്യാസത്തിനു വേണ്ടി പണം മുടക്കുന്ന കാമുകി, വര്‍ഷങ്ങള്‍ നീണ്ട, ആഴമുള്ള പ്രണയം, ഒടുവില്‍ പതിവു പോലെ മറ്റൊരാളുമായി വിവാഹം, ഹണിമൂണ്‍ ട്രിപ്പിനിടയില്‍ ഭര്‍ത്താവിനെ, പിന്തുടര്‍ന്നു വന്ന കാമുകന്‍ സുഹൃത്തിന്റെ സഹായത്താല്‍ ( വാടക ഗുണ്ടയാണെന്നു പോലീസ് ഭാഷ്യം) കൊലപ്പെടുത്തുന്നു, മാസ്റ്റര്‍ ബ്രെയിന്‍ കാമുകി, ഭര്‍ത്താവു ദുര്‍മരണപ്പെട്ടാല്‍‍ കാമുകിയുടെ ജാതിയിലെ ആചാരപ്രകാരം അടുത്ത വിവാഹം ഉണ്ടാവില്ലത്രേ, പക്ഷേ പണി പാളി, മൂന്നു പേരും പിടിയിലായി, എല്ലാവര്‍ക്കും ഇരട്ട ജീവപര്യന്തവും കിട്ടി.
പക്ഷേ കണ്‍ഫ്യൂഷന്‍, എന്താണു ശരി ? ഈ തടവു ശിക്ഷ്യക്കു ഞങ്ങളെ പിരിക്കാനാവില്ലെന്നും, പ്രണയം സത്യം, എത്ര വര്‍ഷം കാത്തിരിക്കാനും‍ തയ്യാറുമാണെന്നു കോടതി വരാന്തയില്‍ പ്രഖ്യാപിക്കുന്ന പ്രതികള്‍, കടുത്ത സമ്മര്‍ദ്ദങ്ങള്‍ക്കിടയിലും പരസ്പരം തള്ളിപ്പറയാത്തവര്‍, ഉയര്‍ന്ന അക്കാദമിക് പശ്ചാത്തലമുള്ള നിഷ്കളങ്കനായ ഒരു ചെറുപ്പക്കാരന്‍, കൊല്ലപ്പെട്ട ഭര്‍ത്താവ്, കോടതി വരാന്തകള്‍ കയറിയിറങ്ങുന്ന അതീവ ദരിദ്രരായ കാമുകന്റെ സഹോദരങ്ങള്‍, കുടുംബത്തിനേറ്റ ചീത്തപേരില്‍ തകര്‍ന്നിരിക്കുന്ന കാമുകിയുടെ വീട്ടുകാര്‍, ആര്‍ക്കാണു പിഴച്ചത്, ആരാണു തെറ്റുകാര്‍, പ്രണയിക്കുന്നതും ഒന്നാവാന്‍ ശ്രമിക്കുന്നതും തെറ്റാണോ ? പ്രണയത്തിനു വേണ്ടി മറ്റുള്ളവരുടെ ജീവനെടുക്കുവാന്‍ പാടുണ്ടോ ? മൊത്തം കണ്‍ഫ്യൂഷന്‍ !

Wednesday, December 26, 2007

കേരളാ മോഡല്‍

തൊടുപുഴ താലൂക്കാപ്പീസും കോടതിയും ട്രഷറിയും മറ്റു സര്‍ക്കാര്‍ സ്ഥാപനങ്ങളും സ്ഥിതി ചെയ്യുന്ന മിനി സിവില്‍ സ്റ്റേഷനു മുന്നില്‍ കണ്ടത്. രസകരമായ കാര്യം ഈ സമയത്ത് M.L.A യുടെ അദ്ധ്യക്ഷതയില്‍ തൊടുപുഴ താലൂക്ക് വികസന സമിതിയുടെ ഘോര ഘോരമായ ചര്‍ച്ച അകത്തു നടക്കുകയായിരുന്നു, വിഷയം താലൂക്കിന്റെ സമഗ്രവികസനവും ആരോഗ്യ പരിരക്ഷയും !

Sunday, December 23, 2007

മിഷന്‍ പശു

ഇടവെട്ടിയ്ക്കടുത്ത്, ആള്‍മറയില്ലാത്ത കിണറ്റില്‍ വീണ കറവയുള്ള പശുവിനെ അഗ്നിശമനസേനാംഗങ്ങളും നാട്ടുകാരും ചേര്‍ന്ന് വലിച്ചുകയറ്റുന്നു, കൊമ്പൊന്നൊടിഞ്ഞതും ചെറിയ ക്ഷതങ്ങളും ഒഴിച്ചാല്‍ വെല്യ അപകടമൊന്നും സംഭവിച്ചില്ല.
മണിക്കൂറുകള്‍ നീണ്ട രക്ഷാപ്രവര്‍ത്തനത്തിന്റെ അവസാനം മുകളിലത്തെ അവസ്ഥയിലെത്തിയപ്പോള്‍, ഫോട്ടോക്കാരന്റെ കമന്റ് : “ചേട്ടന്മാരെ അങ്ങനെതന്നെ ഒന്നു നില്‍ക്കണെ, ഞാനെന്റെ ഫിലിമൊന്നു മാറ്റട്ടെ !”

Friday, December 21, 2007

ബാല ഭിക്ഷാടനം


ഒറ്റക്കമ്പില്‍ ചാടിച്ചാടി, തിരക്കു പിടിച്ച റോഡ് ഇടക്കിടെ ഈ വടിയില്‍ ക്രോസ് ചെയ്ത്, അവനെങ്ങോട്ടോ പോയി‍

Thursday, December 20, 2007

പുരോഗതിയിലേയ്ക്കുള്ള പാത


: വരട്ടെ പുതിയ നിക്ഷേപങ്ങള്‍, വളരട്ടെ പുതിയ ടെക്നോളജികള്‍,...
: പക്ഷേ പഴയ പ്രശ്നങ്ങള്‍ ?
: അതോ ? ‍ഓ അതൊന്നുമിനി നന്നാവില്ലെന്നേ !
പഴയ പല്ലവി തന്നെ,
“അല്ലേലും ഈ നാട് നന്നാവില്ല”

Wednesday, December 19, 2007

ആരാന്റെ വണ്ടി - 3

ആപ്പീസര്‍ : ഇത്തരം സംഭവങ്ങളുടെങ്കില്‍ പടം നേരത്തെ എത്തിക്കണം എന്നറിയില്ലേ ?
പോട്ടോറാഫ്ര് : വണ്ടി ഇടിച്ചട്ടി വേണ്ടേ സാറേ പടം എടുക്കാന്‍ !

Saturday, December 15, 2007

നോ പാര്‍ക്കിങ്

ഒരു ഞായറാഴ്ച്ച അവധിയില്‍ കണ്ടത്

Thursday, December 13, 2007

ആരാന്റെ വണ്ടി - 2


ചോ : ചേട്ടാ ആരെങ്കിലും മരിച്ചോ ?
ഉ : ഇല്ലനിയാ, ദൈവാനുഗ്രഹം കൊണ്ട് ഒന്നും സംഭവിച്ചില്ല !
ചോ : ഛെ, ആരെങ്കിലും മരിച്ചിരുന്നെ നല്ലൊരു വാര്‍ത്തയാക്കാമായിരുന്നു, ങ്ഹാ ഇതെങ്കി ഇത് !
ഉ : @ $ # * & ^
ചോ : ഓ, ഇതു ചേട്ടന്റെ വണ്ടിയായിരുന്നല്ലേ ? !

Monday, December 10, 2007

ആരാന്റെ വണ്ടി


ആരാന്റെ വണ്ടി അപകടത്തില്പെട്ടാല്‍ കാണാന്‍ നല്ല ശേലാ, ലക്ഷങ്ങള്‍ മുഖം ചളുങ്ങികിടക്കുന്നതുകണ്ടു തകര്‍ന്നു നില്‍ക്കുന്ന ഉടമസ്ഥന്‍ അടുത്തുണ്ടെന്നത് ഓര്‍ക്കാതെ പടം പിടുത്തക്കാരന്‍ പറയും:
“കുറച്ചുകൂടെ ഭീകരതയുണ്ടായിരുന്നേ പടത്തിനൊരു പഞ്ചുണ്ടായേനേ..!”
N.B: യാത്രക്കാര്‍ പരിക്കുകളോടെ രക്ഷപ്പെട്ടു